決賽周分組賽不同國家隊嘅不同要求

巴西傳媒漫畫惡搞32強

唔好以為接待世盃球隊嘅酒店，有班大客光臨就一定好開心，部分國家隊就因為唔同信仰提出高難度要求！先有阿爾及利亞要求每間房都擺放可蘭經，法國職球員更加指明要食符合猶太教規嘅肉類，搞到一班酒店員工勁頭痕！

阿爾及利亞每間房要有可蘭經

決賽周分組賽有32支國家隊，有唔同文化係好正常嘅事，巴西《蘭斯體育》日前刊出幾幅搞鬼漫畫，「介紹」唔同國家隊嘅不同要求要求，法國就因為大批職球員信奉猶太教，佢哋一早講明只會進食合乎猶太規律嘅「無殘忍宰割」肉類，包括屠宰時以利刀割喉放血嘅「分趾蹄」動物如牛、鹿及羊，海鮮方面更只限「有鰭同鱗」嘅生物；佢哋同時話陣中球員用唔慣固體番梘，要求酒店準備沐浴露喎！

相比之下，信奉伊斯蘭教嘅阿爾及利亞就簡單得多喇，佢哋只係要求酒店喺每間房都擺放《可蘭經》，方便佢哋讀經同進行膜拜，比起其他球隊嘅要求，算係「濕濕碎」o架喇。其他好似厄瓜多爾每日要食由祖家新鮮運到嘅香蕉、澳洲職球員日日都要睇世界各地嘅報紙、日本仲要求每間房都有按摩池，葡萄牙更加提出要有6名保鏢貼身保護球員，其中4個係C朗專用，真係煩到嘔呀！

仲有乜騎呢要求：

智利：要求酒店一定要買過批新床，每間房要有平面大電視。

哥倫比亞：要聖保羅安排15個青年軍日日陪佢哋練波。
洪都拉斯：電視要加6個西班牙語頻道，其中兩個係洪都拉斯電視台。
瑞士：上網要極速，電視要睇到瑞士頻道。
烏拉圭：冷氣要夠靜。