邀請碼ID: 544014662
nxTomo隆重宣佈日本人氣足球遊戲大作《創造球會BARCODE FOOTBALLER》正式在8月7日於香港App Store上架推出，供玩家免費下載遊玩。《創造球會BARCODE FOOTBALLER》為超高品質的智能手機育成足球遊戲，特點是可藉由讀取Barcode條碼生成足球選手！
玩家需要扮演領隊角色，集合各足球選手組成自己球隊，育成及提升球員實力，並利用自己的足球戰術智慧去擊敗其他隊伍，目標是成為世界第一球會！這遊戲在日本推出不足一年已經有60萬次下載，大受歡迎。如今nxTomo得到授權而推出中文版，將這遊戲帶給廣大熱愛足球遊戲的香港玩家。
第一部分：球員能力簡介（以下資料是引用官方Facebook發佈的）作為一個領隊，根據球員類型，設定陣式同安排佢地所打嘅位置，算得上係最基本嘅基本功！要了解球員嘅長處同短處，必定先透徹了解遊戲裡面各項能力數據先，咁樣先可以令佢地發揮所長，為球隊打出好成績！
以下就係一 D 能力數據嘅解釋，好好留心聽清楚喇～
射門力：顧名思義，即係射門嘅力度。射門力高嘅球員，處理自由球同遠射就會更加得心應手！另外，射門力對傳中亦都有影響。
制空力：制空力愈高，應付高空攻勢愈為有利，係一項前鋒同後衛都需要嘅重要能力！
敏捷力：足球場上嘅成敗，好多時都係取決於速度！擅用球員敏捷力，以快打慢，令對方防守球員疲於奔命！
精神力：精神力愈高嘅球員，處理自由球嘅能力愈高，同時亦更有機會為球隊搏得自由球！
體力：喂！話晒都係職業運動員，無理由跑半場就莫氣架喎！肯定係體力唔夠高啦！場上球員會因為發動技能而導致體力下降，當體力歸 0，球員就只會識得行行企企食飯幾味。
判斷力：代表球員嘅埋門把握能力。呢項數值愈高，將攻勢化為入球嘅機會就愈大；相反，判斷力低嘅球員，臨門一腳就有機會出事。
助攻力：足球係團體運動，獨食唔係次次都得米就唔在講。陣中有助攻力較強嘅球員，能夠令攻勢進行更加順暢，大大增加入球機會！
控球力：呢項能力對於球隊發功攻勢有莫大幫助！控球力高嘅球員，每每係攻勢嘅發動者，成隊波食粥食飯就睇佢喇！
防守力：高強嘅防守力，能夠有效拑制對方嘅攻勢，係防守球員不可或缺嘅能力之一！
戰術力：呢個有意思喇！雖然佢唔會直接影響場內球員嘅能力，但會對相對位置嘅戰術能力加成有所影響。戰術力愈高，戰術能力加成就愈高，就係咁簡單。
跳躍力：增強跳躍力，有助門將化解對方嘅攻門，形成滴水不漏嘅防守！
精神力：門將嘅精神力愈高，代表佢撲救死球（十二碼、自由球）嘅能力愈高。
撲救力：面對敵方射門，展示過人嘅反應，作出即時撲救，全賴門將嘅撲救力。
體力：當龍門作出撲救，都會消耗一定體力，尤其當面對遠射同自由球嘅時候。當體力耗盡，門將就會變成一碌木，被人射龜咁射，諗起都覺得慘......
防守力：防守力高超嘅門將，防線指揮得宜，後防線球員嘅戰術能力加成會得到提高。
第二部分：新舊技能翻譯及分類
以下我會簡單為技能作出分類，大致分為4個範疇。干涉-----奮勇搶截－－－－－防守技能
疊瓦進攻-----疊瓦進攻－－－－－助攻技能
必殺傳球-----致命一擊－－－－－助攻技能
精準射球-----死角射球－－－－－攻門技能
迅捷解圍-----快速解圍－－－－－防守技能
強力撲救-----強力撲救－－－－－龍門技能
超級頭槌-----超級頭槌－－－－－攻門及防守技能
運球技術-----黃金盤球－－－－－攻門及助攻技能
精確傳中-----精準射球－－－－－助攻技能
夢幻射球-----夢幻射球－－－－－攻門技能
追逐-----埋身緊迫－－－－－防守技能
不動狙擊-----遠程突擊－－－－－攻門技能
單挑-----無視單刀－－－－－龍門技能
罰球攔截-----點球專家－－－－－龍門技能
罰球攔截-----點球專家－－－－－龍門技能
沒有留言:
張貼留言